Источновардарска група планини и котлини

                                                                      Релјеф

            Источновардарска група планини

                                и котлини

Источната родопска зона на планини и котлини, на територијата на Република Македонија се наоѓа меѓу границата со Бугарија на исток и Вардарската зона на запад. Со неотектонските движења, во оваа зона се формирани неколку планински и котлински релјефни целини, главно, со напореднички правец на протегање.

Планински релјефни целини, одејќи од север кон југ, се: блокот Герман, Козјак и Билина Планина, потоа осоговскиот масив, Плачковица со Огражден и Малешевските Планини, но и планината Беласица како посебен блок.

Планинските масиви се одликуваат со природни богатства, како што се шумите, пасиштата и рудните наоѓалишта на олово, цинк, бакар, железо и друго.

Котлински релјефни целини или депресии се простираат меѓу наведените планински масиви. Такви се Славишката Депресија меѓу масивите Герман и Осогово, Кочаската Котлина меѓу Осогово и Плачковица и Струмичко-радовишката Котлина меѓу Плачковица со Огражден, Беласица и Конечка Планина. Во оваа зона се наоѓаат Пијанечката и Малешевската Котлина.

Во котлините постојат плодни почви, поблаги климатски услови и системи за наводнување, така што во нив се одгледуваат различни земјоделски култури.

Во Славишкото Поле се одгледуваат житни и градинарски култури во Кочанското Поле се одгледува ориз, во Струмичко-радовишкото Поле се одгледуваат градинарски култури, винова лоза и индустриски растенија. Во Славишката, во Пијанечката и во Малешевската Котлина има погодни услови за одгледување овошни растенија и компир.

Речни долини. Источната родопска зона е испресечена со длабоко всечени речни долини. Покарактеристични се долините на:Крива Река, Злетовска Река, Брегалница со притоките, Крива Лакавица и реката Струмица.
Покарактеристични врвови се:Војнова Чука на Герман, Руен и Царев Врв на Осоговските Планини, Лисец на Плачковица и Радомир на Беласица.

Релјефна структура и општи карактеристики на релјефот на Република Македонија

                                                       РЕЛЈЕФ

           Релјефна структура и општи  карактеристики на релјефот на Република                                   Македонија  

Територијата на Република Македонија се одликува со претежно планински-12 255км2, со ридски-7 599км2 и со рамничарски-5 065км2 релјеф, а дел од неа е езерска површина.

Во височина се простира од 48м надморска височина кај Гевгелија (реката Вардар) до врвот Кораб (2 764м). Релјефот во Република Македонија го сочинуваат поголем број планини, речни долини, клисури и котлини, со различни типови ерозивни и акумулативни релјефни форми.

Формирањето на релјефот се врши под дејство на внатрешни и надворешни сили.

Внатрешни сили се манифестираат како вулкани и земјотреси, кои предизвикуваат тектонски движења со кои се вршат хоризонтални и вертикални поместувања на Земјината кора. Така настануваат крупните релјефни облици како што се планините и котлините.

Надворешни сили ( Сонце, вода, ветар, мраз итн.) предизвикуваат растегање на карпите и формирање на разни ерозивни и акумулативни облици.

Ваквите сили низ долгото геолошко минато пред десетици, стотици и повеќе милиони години, на територијата на Македонија формирале неколу тектонски целини, и тоа:

-Западномакедонска зона

-Пелагониска зона

- Вардарска зона

- Родопска зона.

Во текот на геолошката историја, во Република Македонија се формирале повеќе разновидни релјефни облици од типот на:

- планини

-котлини

- долини.

Граници и големина на Република Македонија

                           ГЕОГРАФСКА ПОЛОЖБА

               ГРАНИЦИ И ГОЛЕМИНА 

         НА РЕПУБЛИКА МАКЕДОНИЈА 

Република Македонија е дел од етничка Македонија која ги зафаќа сливовите на реките Вардар и Бистрица, горниот слив на реката Црн Дрим, средишните и долните сливни подрачја на реките Струма и Места. Во тие рамки Македонија зафаќа површина од 68 451км2. Од неа, со потпишувањето на Букурешкиот мировен договор во 1913 година на Грција и припаднал беломорскиот дел со површина од 34 411км2; на Бугарија - пиринскиот дел со 6 798км2; на Албанија (802км2) и на Србија (26 440км2) - вардарскиот дел. Во контекст на географско - историските случувања во XX век, по Втората светска војна, Република Македонија, во рамките на југословенската федерација стана посебна република со државотворен статус, а во  1991 година се формираше како самостојна независна и суверена држава. Денес, Република Македонија како централна балканска држава, се граничи со Косово и Србија на север, со Бугарија на исток, со Грција на југ и со Албанија на запад. Должината на државните граници на Република Македонија изнесува 889,2км.

                     СЕВЕРНА ГРАНИЦА

Северната граница со Косово и со Србија има напореднички правец на протегање и е со должина од 258км, почнувајќи од врвот Шерупа (2 092км) на Корапскиот планински масив кон исток се простира по сртот на Шар Планина, ја сече реката Лепенец кај Качаничката Клисура, потоа преку висовите на планината Скопска Црна Гора, преку Кумановско - прешевската повија и преку висовите на Козјак и на Герман Планина стигнува до тромеѓата на Република Македонија, Бугарија и Србија. Поважни гранични премини се Блаце и Табановце.

                  ИСТОЧНА ГРАНИЦА

Источната граница со Бугарија има меридијански правец на протегање. Главно води по сртовите на Осоговските Планини и по планините Влаина и Огражден. Кон југ ја сече Струмичката Котлина и се искачува на планината Беласица. Се протега во должина од 178км. Поважни гранични премини се Деве Баир, Делчево и Ново Село.

                     ЈУЖНА ГРАНИЦА

Јужната граница со Грција е, главно, со напореднички правец на протегање и се движи преку планини, рамници и езера. Таа води по сртот на планината Беласица, преку, Дојранското Езеро и Гевгелиската Котлина се искачува на Кожуф и на Ниџе, ја сече Пелагониската рамница, а потоа преку сртовите на планината Баба се спушта до Преспанското Езеро каде што е тромеѓата со Грција и Албанија. Има должина од 261км. Поважни гранични премини се Дојран, Богородица и Меџитлија.

                   ЗАПАДНА ГРАНИЦА

Западната граница со Албанија започнува од Преспанското Езеро, води преку планината Галичица, го сече Охридското Езеро, а потоа преку сртот на планината Јабланица и преку Дебарското Поле продолжува по сртот на Корапскиот планински масив (Крчин, Дешат и Кораб). ИмаГ должина од 192км. Поважни гранични премини се Ќафасан и Блато кај Дебар.

Во наведените граници Република Македонија зафаќа површина од 25 713км2.

РЕЧНИК НА ПОИМИ

1.  Граница е линија со која се одвојуваат териториите меѓу две држави.
2. Гранична линија е непосредната линија на разграничување меѓу две територии. Кај државните граници таа е посебна издлабено во вид на бразда.
3. Граничен премин претставува уредено место на државните граници каде што луѓето легално преминуваат од една во друга држава.

           

Лекција 1-прашања и одговори

                       Географска и сообраќајна                                   положба на Република М акедонија


Прашања:


1.Зошто велиме дека Р. Македонија има поволна географска положба?

2.Какво е значењето на воздушниот сообраќај за Р. Македонија?

3.Кои биле негативните последици од поволната географска положба во минатото?

Одговори:

1.Затоа што таа претставува мост преку кој се поврзуваат сите балкански земји,па така низ Македонија поминуваат многу важни европски патишта со кои таа е поврзана со останатите земји од Европа,како и со блиските земји од Африка и Азија.

2.Во функција на сообраќајното поврзување на Македонија со соседните земји,но и со други земји во светот е воздушниот сообраќај.Тој се одвива преку два аеродроми од кои едниот се наоѓа во Скопје,Аеродром Александар Велики,а другиот во Охрид,Аеродром Св. Апостол Павле.

3.Македонија е транзитна земја во средината на Балканот и честопати во минатото војските кои што поминувале низ неа оставале пустош.

Географска и сообраќајна положба на Република Македонија

                                          Географска положба

      Географска и сообраќајна положба на                                 Република Македонија 

Република Македонија се наоѓа на северната и источната полутопка на Земјата.
Република Македонија се наоѓа во средишниот дел на Балканскиот Полуостров.Оддалечена е  околу 90км од Егејското(Бело)Море и околу 155км од Јадранското Море.
Македонија е богата со планини па затоа во Република Македонија релјефот е претежно планински со издвоени котлини и композитни речни долини.
Сообраќајните комуникации се одвиваат преку повеќе долини,котлини и преслапи.По доплината на реката Вардар се одвива автопатот Е-75 и железничката пруга. 
 Република Македонија на север низ Моровската Долина се поврзува со Србија и средноевропските држави,а на југ со Егејското и со Средоземното Море.

По долината на реката Лепенец,Република Македонија се поврзува со Косово,со Црна Гора и со Јадранското Море.

На исток со Бугарија сообраќајната поврзаност се врши преку три патни правци:

• едниот минува по долината на Крива Река преку градот Крива Паланка
• вториот по долината на реката Брегалница и преку градот Делчево
• третиот низ Струмичката Котлина.

Со Грција освен преку сообраќајниците по долината на реката Вардар,поврзани сме и преку патот и железницата кои од Пелагонија и од Битолско водат кон Лерин;и преку патот што води од Дојран кон Солун.

Кон Албанија водат патните правци што минуваат од Дебарско-реканската Котлина,од Охридско-струшката Котлина,преминот Св. Наум и од Преспанската Котлина кај преминот Стење.

Тема 1

                 Тема 1

  ПРИРИДНО-ГЕОГРАФСКИ КАРАКТЕРИСТИКИ НА РЕПУБЛИКА МАКЕДОНИЈА

Содржина:

• географска положба
• релјеф
• клима
• хидрографија
• растителен и животински свет
• педолошки состав

                   

ВОВЕД

         Географија за седмо одделение претставува предмет во кој се изучува Р.Македонија.Се изучува климата во Македонија,географската положба на Р.Мкедонија,релјефот и друго.
        Преку разни вежби,задачи и игри ке го направиме                предметото географија за седмо интересен. Има 3 забавни теми.
        Првата тема се вика:природно-географски карактеристики на Република Македонија.
            Втората тема се вика:социо-географски карактеристики на Република Македонија.
             Третата тема се вика:стопанско-географски карактеристики на Република Македонија.
              Преку овој блог сакам на сите кои ке ме следат да им го направам денот позабавен со везбите и игрите на овој блог.
              Географијата е забавен предмет,а посебно задоволство ми претставува на другите луѓе да им помогнам подобро да се запознаат со Република Македонија.